قولي، قولي حاجة
منك تطمّني، ولا كلمة
عنك تبعدني
ساعات في حبك
أحس إني قريبة من النجوم
وساعات أحس نفسي
سحابة في بحر الغيوم
قولي انت مين؟
حب غالي؟ ولا لعنة
صابت أيامي؟
يا ترى هتكون لي نور وأمل؟
ولا نهايتي معاك وجع؟
مش هستنى للختام
وتسيبني بعدها حطام
أنا بين خوف وبين أماني
بين حلم بعيد وبين أوهامي
انت لازم تكون نهاية
مش هسمح لنفسي أبص ورايا
حتى لو جدّدت وعدك بهنايا
اللي يجرحني ويكسرني
مالوش في قلبي مكان
هقفل على قلبي ألف باب وباب
وارمي ورايا كل الأحزان
هبص لروحي وأعيش لنفسي
هختار بدايتي مش نهايتي
هكتب حكايتي بإيدي
وامحي نبضك من وريدي
وإن مرت صورتك يوم في بالي
هديها ظهري ونسياني
ومن وجعي اتولدت نجمة
تنور طريقي وايامي
بقلمي حنان حلمي
