نفسى
نفسى أحس بفرحه فى يوم
تمسح دمعه فى عز النوم
ترسم بسمه فى وش حزين
آسى وعنده هموم بالكوم
نفسى اعيش من غير احزان
ولا اشوف توها فى كل مكان
والاقى زمانى فاتحيلى إيديه
مش فى مرايا صورة إنسان
نفسى العلم ماكينه تدور
منك ليا وللى يزور
واللى نصيحته تكون مقبوله
من غير تعالى ولا غرور
عملوها كتير من أجدادى
وحفروا تاريخهم فى الوادى
وعلوم وفنون شئ مش عادى
ويا ريتنى ألاقيهم فى علامى
نفسى الحلم أشوفه حقيقه
لكل حبيب ولكل حبيبه
والطير المجروح م الفرحه
هيطير وهنسمع تغريده
بقلم
أحمد عبد الرازق
مصر - القاهرة
