تحدث أحمد سليمان، عضو مجلس إدارة نادي الزمالك، عن تأثير صفحات السوشيال ميديا في نقل أخبار النادي، مؤكدًا أن بعض المعلومات التي يتم تداولها تكون صحيحة قبل الإعلان الرسمي.
وقال سليمان:
"فيه ناس عندنا في سوشيال ميديا الزمالك لما بيكتبوا حاجة بعرف إنها حقيقة، يعني ممكن يكون سانتوس هو مدرب الزمالك الجديد، الناس بتوع السوشيال ميديا عندنا بيعرفوا القرارات دي من بدري بدري."
وأضاف:
"كان فيه واحد بيكتب على السوشيال ميديا اسمه شريف أفندينا، تقرأ عنده الحاجة وبعد ربع ساعة تتحقق، كان بيتصل بناس كتير وحاول يتصل بيا مرديتش، مرة واحدة الراجل ده اختفى، وعلى حس إنه كان بيقول أخبار حقيقية للزمالك نصـب على مشجعين زملكاوية، ودلوقتي مختفي وبيدوروا عليه ومش لاقيينه."
كما علّق على طريقة تقييم المدربين، مستشهدًا بما يحدث مع منتخب مصر، قائلًا:
"في المنتخب الناس بتقول الله على اللاعيبة والله يا حسام يا حسن، صح؟ عندنا بنقول اللاعيبة، وبدل ما يتم الإشادة بالمدير الفني معتمد جمال، بيتم الإشادة بناس تانية غير المدرب، ظاهرة لم أرها من قبل، واحد كسبان الدوري وناس تانية هي اللي بيُشاد بيها والمدير الفني لأ."
