العين صابتنى ورب العرش نجانى
ياللى حسدت المال ده الرزق ربانى
يضر إيه الحسد؟ وعيون الرب ترعانى
وان كان على ولدى وحلالى واطيانى
ودينى وصلاتى وهدايتى بعد عصيانى
لاحسد الا فيهم ربنا يعطيك زى ما عطانى
ياحاسد الناس فيك الحقد جوانى
تتمنى زوال النعم وتنسى اللى سوانى
عينك تشق الحجر وفيّا انا تعانى
وربنا قال لنا فى الضيق ده انا الحانى
ونستعيذ بالله من شر ما خلق إنسِ وشيطانى
مثل قالوه قبلنا بيرن فى ودانى
مايحسدك غير نفسك وانت عليها جانى
لولا دخلت جنتك قلت ماشاء الله ربّانى
عين الحسود فيها عود يترد فى ثوانى
