أغنية
قسوتك
قلبي شاف أحزان في حبك عاش بجرح كبير معاك
ياما شاف هوان بقربك من قساوتك ومن جفاك
قلت علي نفسك ضحية وكنت تظلم كل يوم
كل جرح يهد فيا أصبر علي جرحك وأقوم
كان كلامك كله عني سبب أحزاني وحيرتي
سهم الكلام صابني ووجعني كل يوم تجرح في سيرتي
اليوم خلص كل الكلام ما فيش عتاب وفيه خصام
نقول وداع من غير سلام ما شفت منك غير نار هواك
قلبي شاف أحزان في حبك عاش بجرح كبير معاك
ياما شاف هوان بقربك من قساوتك ومن جفاك
كان وفائي معاك حكاية والجرح منك كان حكايتك
وكنت أشوف اللوم معايا مرة لوم وكتير قساوتك
قلبي قاللي خلاص كفاية عشت معاه أصعب ليالي
كل جرح وله نهاية سيبه يندم على قلب غالي
إنت إنتهيت في كتاب حياتي وفصول حزينة في ذكرياتي
أنا ليه أعيش هموم يوماتي أرحل بعيد علشان أنساك
قلبي شاف أحزان في حبك عاش بجرح كبير معاك
ياما شاف هوان بقربك من قساوتك ومن جفاك
بقلم
شريف محمد شحاتة مصر
