المولد النبوي
في ليلة نور وعظيمه ......البدر كان طالع فيها
هل علي الدنيا نبينا...............نور نجع ومدينه
فرحت بيه أمه أمينه..........وجده قام علق زينه
يشكر ربه كدا رضينا.....عوضت أمه وأهلينا
مات أبوه قبل ميلاده............وهو لسا في بطن أمه
مرضعته حليمه السعدية .........قالت كل الهنا ليا
جاي لي كامل التربية .......والخير كمان عم عليا
حطيته في قلبي وفي عنيا ......وكل الخلق حوليا
بعد شويه ماتت أمه......... أخده جده يعيش عنده
مات جده خده عمه ..............زاد غلاوته وزاد حبه
عاش يتيم في الدنيا.............وكل أب شافه ابنه
تاجر ماهر لخديجه............قالت هو إل بحبه
رغم هي أكبر منه...........حصن أمان واقفت جنبه
آمنت بيه وبرسالته ..........و قريش كانت بتحاربه
رغم بنادي باللمه ...........والعدل يكون بين الأمه
ونوحد نعبد المولي...........ونراعي القرآن والسنه
اتحارب حتي من أهله .....راح المدينه هجر مكه
المولي حماه في الهجرة .....بدرع حصين مفيش منه
حمامه ونايمه علي بيضها .......وربك هو إل أمرها
كان رحيم كان طيب.................بعد ما راح فتح مكه
قال أهلي وقال ناسي ..........وأذاهم ليا أنا ناسي
أحرار طلقاء في الدنيا........... ولا حد منهم هيآسي
صلوا عليه وردوا عليا... محمد خاتم الانبيا
