صغيرين على الحب
صغيرين على الحب احنا
ومشتاقين نعرف ايه هو
اللى قبلنا قالوا
الحب ياجماله
عايزين نحب ومشتاقين
لكن ع الحب لسه صغيرين
كورال
علامة الحب ايه
يامجربين قولوا لنا عليه!!
(١)
انا اول ماحسيت
بدق قلبى قلت :حبيت
ياحلاوة الحب ياحلاوة
كله فرح وشقاوة
ولسه برضه ماما وبابا
فاكرنى نونو عايزة البزازة
قاعدين بيقولوا
صغيرين ع الحب لسه
(٢)
هو:ترن. ترن
هى:الو
هو:ميرفت
هى:ايوة انا ياشيرى
هو:فات الميعاد ماجتيش ليه
هى:ماما وبابا
هو:عملوا ايه!
هى:عرفوا الحكاية
هو:حبنا قصدك
هى:وغيره ايه
بيقولوا ع الحب لسه صغيرين (يابيه)
(٣)
انا صحيح صغيرة
وليه انكر الحقيفة
وعيلتى متأصلة
عندهم الحب يبقى جريمة
طب دا اسمه كلام
دى الدنيا من غير اتنين فى غرام
تبقى جنة قايدة نار
الشاعر
ساهر فؤاد
