وحشتيني
يا ضِله محاوطاني
يا نجمه ملونه حيطاني
يا شطي ومرسايه وعنواني
يا بكره وخطوتي وزماني
يا واخده الروح علي غفله
وفايته القلب وحداني
يا حلم ساكن بين ضلوعي
ياورده طرحه النور في بستاني
من ضي عطرك قادت شموعي
يا أحلا فكره وخداني
وطول الوقت علي بالي
وبسأل روحي أنا مالي
ترد جروحي تقول نَسياني
يا أرضي ومهدي وملكوتي
يا حلمي وكل أوطاني
وحشتيني
.............
.............
ياروح الروح
يا دقة قلب
وآنة موت حَيشاني
سبيني أروح
وأدوب ف الحب
وأروي الروح بروح سرقاني
يا ضي العين وعنواني
وصرخه عشق حسْاني
ما انا لسه انسان
لسه ف القلب دقات ومشاعر
وحبة حنين بخفيها
بخاف العيون تضحك
وأنسىَ دموعها تبان
وتكتب بمر الصبر أحزاني
والحلم جوايه يبات عطشان
ويصرخ
وحشتيني
.........
.........
إن كنتي فكراني
طب لي طال البعاد
وإن كنتي نَسياني
قوليلي فات الميعاد
وإنساني
لي رسمتي في عيوني بكره
وجنه هواكي سكناني
لما أنتي ناويه ع البعاد
لي كتبتي فوق جبيني الأنتظار
لي رسمتي الحلم عنواني
وبين إيديكي وخداني
لي خليتي الضلمه نور
لي خليتي الشمس فعيوني تدور
كان كفايه عليا حلم
أعيشه فيكي
وإن كان ما بينا الف سور
كان كفايه تشوفك عيوني جوه حلم
ونبض قلب يحس بيكي ضي نور
كان كفايه روحي بهواكي ملياني
وكل ما أحتاج أشوفك
ألاقي الحلم عنواني
أروح أشوفك
والمس كفوفك
وأضم خوفي وخوفك
وأصرخ أنا روحي فيكي
وإن كنتي نَسياني
أنا لسه فاكرك
وكلي طيفك
وروح جوه الحلم وخداني
وحشتيني
