بانو الأحبة بانو
وحقيقتهم طلعت مُرّة
كنا فاكرينهم أصلة
اتاريهم مش كده بالمرة
بالزهور هدّيناهم
وجوّة القلب سكناهم
ومن حنانا روّيناهم
وجزاءنا كان قسوتهم
ياه من غرورهم ياه
هو ده من طبعهم
ولا من طبع الحياة؟
خدعونا بابتسامة
ضحكوا علينا بكلام
يبان إنه عسل لكنه مُرّ
رحلوا من غير سلام
زرعوا الدموع في عيونا
والجروح في قلوبنا
سكن الوجع في روحنا
من بعد خيانتكم لينا
هنمسح دموعنا بإيدينا
اللي خان مش نصيبنا
ولا عمره كان لينا
وحياة كل الجراح
والحب اللي اختفى وراح
هنفتح من تاني قلوبنا
للنور والأفراح
ومهما عدى علينا
مصير الأيام تداوينا
وبالأمل نروي أمانينا
ونودّع باقي الأحزان
وتلوّن الحنّة إيدينا
بقلم
حنان حلمي
