رحله عمرى
طول عمرى عايش رحال على أرض النيل السمره
مع انى عاشق ترحال لكن ماسافرتش بره
وبفضل الله يا احباب جاتلى الدعوه على غِره
والدعوه عزيزه عليا أصلهامنسوبه لعمره
لزيارة بيت الله ونبينا فى أرضه الطاهره
من كتر الشوق والفرحة القلب صبح فرحان
بيرفرف نفسه يطير مع انى رايح طيران
وفى يثرب كان النور مقابلنى بالاحضان
وبفضل الله صليت فى الروضه مع العدنان
مع صحبه جميله وطاهره مجموعه من الخلان
وبدون سابق لتعارف الود مابينا اتصان
والكل فى حب الله بيسارع فى الاحسان
من يثرب ارض النور إلى مكه جبال النور
وحمام بيصلى طابور فى سلام ويطوف ويدور
وكأنى بشوف بعنيه بيت الله المعمور
ونويت العمره بنيه لا رياء فيها ولاسمعه وبذُل لرب غفور
والناس بتطوف أجناس كالسيل
مع كل دعاء وطواف بتلاقى الدمع يسيل
واللبس الابيض ساطع عامل ضى القناديل
بينورصحن الكعبه فى نهارها وعز الليل
لؤلؤ منثور حواليها وكأنه نازل تنزيل
والصفا والمروه علينا شهود
من زمزم تشرب تشفا تشد العود
ولا ديسك بينقح يرجع تانى عليك ويعود
سبحانه مرحب بيك بالجود
وبندعى العوده مع الاحباب
يارب العوده بدون اسباب
وطالما فى العمر يارب بقيه افتح لنا كل الابواب
حج وعمره وتوبه هنيه د انت لوحدك التواب
بقلم / محمد محمد العدوي
