أمك
ومين في الدنيا غيرها هاينفعك
لو كنت زعلان تسمعك
تحس باللي بيوجعك
ودي أصعب اللحظات في عمرك
إنها فعلاً تروح وتودعك
أمك وبعدها مفيش
هي الحنان اللي مبينتهيش
دور في كل مكان
غير حبها وعطفها ماهتلاقيش
أمك القلب الجميل
أمك النور اللي أبداً مابينطفيش
أمك هي الأمان
ونعمة في الزمان مبتتنسيش
أمك هي الفرحة
وبدعاها وحبها أنت بتعيش
أمك هي الحياة
ولو راحت يبقي متسألنيش
( أمك هي الحياة )
بقلم / أحمد عبدالمنعم
محافظة الغربية - مصر
