وجع فراقك لا ينتهي يأمي
مشيتي يأمي وفارقتيني
مشيتي من غير ماتحضنيني
كان عندي كلام كتير
نفسي اقولهولك وتسمعيني
حاسه روحي مسحوبه مني
والسكات بقي ملازمني
الدنيا من غيرك صعبه
وكل حاجه ضايعه مني
المحبه والأمان والحنان
حتي نفسي بتاع زمان
حاسه إني غريبه عني
كل حلو ماضي وكان
راح الحلو كله معاكي
هفضل عايشه علي ذكراكي
نفسي في حضنك نفسي يأمي
نفسي أشوفك وأقعد وياكي
كنتي علي الدنيا مصبراني
وخداني في حضنك ضماني
عمري ماكنت أخاف من حاجه
دلوقتي كل الدنيا مخوفاني
وجودك كان بيقويني
ودعواتك ليا بتحميني
لو الدنيا تيجي عليا
بتصديها وتواسيني
بقلم الشاعرة
زكيه فيصل
الدقهلية - مصر
