أمي ست الحبايب
أمي ست الحبايب يا نور العيون
غريبة الليلة وقلبي كله شجون
حاير بحرفي والكلام مش بيخون
وكل القواميس عجزت توصف الحنون
اشتقت لكلمة واشتقت للحنان
ولهمسة منك تطيب كل الاحزان
حروفي قليلة قدامك يا أمان
وحبك في قلبي أكبر من الزمان
سيبت القلم يجري ويكتب بإحساس
لقى نفسه بيقولها من غير مقياس
أحبك يا أمي يا نبض الانفاس
حبك فاق الوصف يا اغلى من الناس
يا تاج فوق راسي يا درة الزمان
بدعواتك بنجو من هموم واحزان
تبعدي عني وسواس كل شيطان
وترسمي في قلبي طريق الامان
أمي شمعة نور في ليلي الطويل
وأزكى العطور واحن قلب جميل
بيكي انا دايما ثابت ومش بميل
وحبك جوايا عمره ما يزول
أمي انا بيكي دايما اكون فخور
يا اصل الحنان ويا بحر النور
انتي الفرح والضحكة والسرور
وبحضنك بنسى وجعي والمرور
اللهم ارحم امي وابي برحمتك
واجعل مقامهم عالي في جنتك
وارزقني برهم دايما في حياتك
واكتبلي رضاهم لحد مماتي برحمتك
وفي ختام القول مصطفى أبو زيد دعا
اللهم ارحمها واغفر لها يا واسع العطا
واجعل مثواها جنة ونورها بالرضا
وارزقنا لقياها في الجنة دار البقاء
