قهوة شاى
قهوة شاى قهوة شاى
قهوة شاى
ال رايج وال جاى قهوة شاى
مشروبات ساخنه رخيصه
لاجل اعيش عيشه بسيطه
واحضن اخواتى الصغار
بلقمه ممكن تسد جوع
او تطمننا م الخوف
قهوة شاى
يالى رايح وال جاى
وال جاى راكب سفينه
ولا عربيه كبيرة
ماشى مستهتر يانينه
وانا واقفه لاجلى رزقى
يمكن ارسى على مينا
لكن هو بدل مايشرب شاى
ولا قهوة من ايديا
او ينفعنى بجنيه ولا هديه
خاد حياتى وقتلنى فى الطريق
وسابنى مرميه فى دمى كالغريق
الحياه فى عينهم رخيصه
وولاد الناس الفقيرة
يدهسوهم ببساطه
ولادمعه تنزل عليهم
ويخلقوا اعذار كتيرة
انتوا ايه قلوبكم ايه
مخلوقين من طينه تانيه
بكرة ييجى الموت ياخدكم
وينهى خلاص حياتكم
وغناكم مش نافعكم
ولا جبروتكم او قوتكم
نشربوا من نفس الكاس
ال شربتوه لغيركم
تدفعوا تمن استهتاركم
ربنا مش هيسامحكم
دا حق بنت صغيرة
بترعى اخوات وعيلة
ربنا مش راح يسيبه
وهياخد حقها منكم
هياخد حقها منكم
قهوة شاى
تراجى محمود
