أكد إبراهيم حسن، مدير منتخب مصر، أن الجماهير المصرية كانت كلمة السر في مشوار الفراعنة بكأس العالم 2026، مشددًا على أهمية تقدير دعمهم في كل مكان.
قائلًا "جماهير مصر هي أقوى جماهير في كأس العالم، ودائمًا بقول للاعيبة أهم حاجة جبر الخواطر، روحوا للناس دي واتصوروا معاهم وامضولهم واتكلموا معاهم، الناس دي جاية ورانا من آخر الدنيا، وأنا وحسام دايمًا عندنا إصرار نعمل ده لأن جبر الخواطر أهم حاجة، وده اللي إحنا بننجح بيه."
وتحدث عن شقيقه حسام حسن، قائلًا: "حسام حسن بعقلية رهيبة، أنا التوأم بتاعه ومنبهر بيه، ما شاء الله ربنا مديله قدرات كبيرة، لكن ربنا يسترها عليه من الضغط اللي بيعمله على نفسه."
وعن حمزة عبدالكريم، أشاد إبراهيم حسن بإمكانات مهاجم برشلونة الشاب، مؤكدًا: "لما يطلع لنا موهبة كويسة لازم نبقى فرحانين بيها، الولد عنده إمكانيات كبيرة، وإحنا متابعين أكتر من لاعب في الناشئين إن شاء الله يبقوا زيه. حمزة لاعب مبشر جدًا، قوي، وعنده كل مقومات المهاجم، وبرشلونة أكيد عارف هو بيعمل إيه لما يقرر يضمه للفريق الأول."
كما نفى ما يتردد بشأن هيثم حسن، موضحًا: "هيثم حسن ملتزم جدًا، ومش شايف أي حاجة من اللي بتتقال عنه. هو لاعب متربي جدًا، وكان قريب يشارك في كل مباراة، لكن ظروف وأحداث اللقاءات هي اللي كانت بتغير القرار. بالنسبة لنا الـ26 لاعب كلهم أساسيين، وهيثم لاعب مهم جدًا زي باقي المجموعة."
