ساره
انتي عارفه انتي بالنسبالي ياساره
انتي كلمة انتي غنوة انتي ضحكة
نفسي اشوفك للعلم منارة
ضحكتك حنيتك هماهوايه ال بتنفسه
اطلبي قلبي بس بأشاره
أنا فكر يوم مااتولدتي
كان جميل كان سعيد
كان احلي كنز جالي في بشارة
فاكرة زمان فاكرة الامان
وانتي كنتي ناسية حضني ليكي هو الإمارة
مستني حنانك في شيخوختي
وكمان ضليله في قيلولتي
عايزك عكازي في الدنيا الغدارة
كنت عايز احكيلك زمان كنت عايش اذاي
كل كلمة مني خديها درس ولطريقك انارة
أنا كنت زمان عايش في امان
مع ناس طيبين راضين بحالهم ساكنين في حارة
بناكل علي طلبيه حوالينا الحنية
وبنسمع اغنيه وعمرنا فكرنا نعيش
في فيلا او عمارة
ياريتك عشتي كل ده معاية ياسارة
لحمتنا كانت في بيتنا
وخضرتنا كانت من غيطنا
وعشنا كانت ثروتنا
حمام وبط وفراخ بداره
ياريتك عشتي كل ده معاية ياسارة
كنا لما نطبخ نبعت لجارتنا طبق
سواء كان الطبق لحمة او فراخ او حتي بصارة
كانت لما جارتنا تمرض أو ابنها يتعب
امي طول الليل كاني أنا ال تعبان وعليا سهرانه
ياريتك عشتي كل ده معاية ياسارة
من شهر رجب نعلق الزينه والفوانيس
نستني رمضان والرؤيه والبشرة
ونسمع القران ونحس بالإيمان
والكل في التراويح شباب ورجاله وبنات عزاره
ياريتك عشتي معاية كل ده ياسارة
.كنا نستني الام الغاليه ونعمل دايرة
تحكي لنا حدوته كلها اثاره
نستني ابونا بفرحة مجنونه لما يخدنا في حضنه
لما نجري عليه من اول الحارة
ياريتك عشتي معاية كل ده ياسارة
كنا لما ننام تخطفنا الاحضان
من الاب أو الأم حضن كله حرارة
جبتي في وقت غريب وقت مخيف
وقت عايشين في بلدنا في غربه او حتي في إعاره
حتي الطب حتي العلاج حتي الاحلام
حتي الصدق اتحول لكذب الكل اتحول لتجاره
أنا اسف يابنتي أنا اسف ياسارة
السرقة بقيت عادي في الشارع أو في النادي
حتي اماكن ملائكة الرحمة اتحولت لتجارة
اتحولت لدبح وجزارة
عايزين نرجع لبيوت زمان
لناس زمان عايزين نرجع
لحنان وطيبة الحارة
