دور الضحية
ياللي انت عايش دور
الضحية
وعشت في الأوهام
عايش لنفسك ومزاجك
وعايز من الجميع إحسان
اوعاك تفكر زرع المرار
طرحه هيبقى حنان
د زرع مسموم م اللي زرع
والحصاد خسران
واوعاك تفكر إن اللي عاش
يكسر في القلوب كسبان
د اللي بيلدغ ويبخ سمه
ولو بالدلع. تِعبان
واللي بقلبه مسامح عند الإله
كسبان
واللي انستر بالظلم عاش
الزمان عريان
واللي ضميره حر مستور
من الرحمن
بقلم فهمى محمود حجازى
