يفيد بإيه الاعتذار
ويِفيد بإيه الاعتذار
بَعْد ما دُوقْت المَرَار
بَعْد ألَمِي وحَسْرِتِي
بَعْد ما نِزْلِت دَمْعِتِي
بَعْد ما دَابِت فَرْحِتِي
قَسْوِتَك كانت قَرار
وقَلبَك قَلَّاب غَدَّار
فَاد بِإيه حُبِّي و حَنانِي
بَعْد ما سَرَقْت مِنِّي أمَاني
بَيَّاع ظالم أناني
حُبَّك كان لي انهيااار
وبِينَّا عِلْيِِت أسْوار
شَمْعَة انْطَفِت قَبْل الأوان
افْتَكَرْت قُرْبُه ليَّا أمان
ضَحَّى بِيَّا وخان
كُنْت لُه بِير أسرار
ومْشِيت مَعاه المِشوار
عِشْت فْ هَواه خَيال
إنُّه يْسيبني دَه شيء مُحال
عَ البُعد قِدِر غَدَّااااار غَدَّار
قُلْت هُوَّ نَصِيبي
ومَكانْش يوم داريبِي
وسَابْنِي أعيش فِ النَّاااار
سَابْني أعيش فِ النَّار
لِيه خَان وبَاع
اسْتَخْسَر حَتَّى الوَداع
وراجِع يِقول اعْتذااار
فاكر فيه اختيار
قَلبي مِشْ لِعْبَة فْ إدِيك
ولا تانِي يِرْضَى بِيك
بَعْد ما شَاف الدَّماااار
بَعْد ما شاف الدَّمار
بقلم الكاتبة والشاعرة
حنان فاروق العجمي
مصر - الاسكندرية
