نصيحه مني
اسمع مني يا ولدي
وكلامي ما تنساهوش
أبوك وأمك في دنياك
والله ما يتعوضوش
عنك في عز المحن
أبداً ما يستغنوش
إياك في يوم تنساهم
دول ناس ما يتنسوش
حوش يا رب حوش
م القسوة حوش
قلوب بقت عـ البشر
تشبه قلوب الوحوش
لكن أهلك يا ضنايا
ليلهم ما يناموش
لو مسّك الضر يوم
بالراحة ما يهنوش
من غير وجودك معاهم
لحظة ما يعيشوش
حوش يا رب حوش
م القسوة حوش
امشي في دنيا الفنا
كأنك عابر سبيل
نال الكرامات يا بطل
واخدم ورد الجميل
خد برضو وهات في الرضا
واصبر على القليل
تنال القبول والسعد
في الدنيا وبعد الرحيل
بقلم
هويدا درويش
