خضرة محمد خضر بتسأل
فين متقال
والموال
فين بدرية والقمرية
فين أغانيها وألف سؤال
سألت فين الكلمة الحلوة
فين الطيبة وفين الغنوة
فين الطبل البلدي الصاخب
فين الواجب
فين العم وفين الخال
نسيت خضرة إن إحنا فدنيا
غير الدنيا
دنيا خبط ورزع وضرب
دنيا السايد فيها الحرب
دنيا حلق ولا تمسكش
ليك تتعامل زي ملكش
فيها جميع الخلق شمال
إلا شوية يمين مساكين
عايشين زي إللي ما عايشين
فاهمين عاملين مش فاهمين
بيدوروا علي راحة البال
خضرة إتصمدت وبتتعجب
بتقول ايللي حصل فالدنيا
مالكوا إتغير حالكوا إتشقلب
سيل مع حر وبرد فيونية
دنيا وصبحت زي الغابة
غم ودم حروب فحروب
ناس من جوة وحوش وديابة
ناس بتصد النار بالطوب
قادر ربنا يوم يساويها
ترجع زي ماكات مالأول
ويجيب راسها عاليها واطيها
ولا بنزين ولا جاز يتفول.....
