أه يا دنيا يا بنت اللذينة
مش باقية لحد فينا
عماله تغري و تغري
وبالأوهام تملي بتوعدينا
بتوهمينا بألف حاجة
وبكل حاجة حلوة تعشمينا
وبنصدقك بكل سذاجة
وفي الآخر يجري العمر بينا
بتعشمينا دايماً بالسعادة
وإن العمر لسه فيه زيادة
وإن الفرح قريب جداً مننا
وبتوعدينا بكده من يوم الولادة
بتقربينا من الغاليين وتقربيهم
ولما نتعلق بجد بتبعديهم
بتحسسينا إننا ملكنا كل حاجة
وشوفي كام واحد غيرنا بتعشميهم
بقلم الشاعر
أحمد عبدالمنعم
( يا دنيا يا بنت اللذينة )
