قلبك قاسي
أنا نفسي بجد اشوفلها حل
ازاي مش قادرة تنساني
ان كنت بعيد على طول بترن
وان كنت قريب مش سيباني
ما خلاص يا حبيبتي حبال الود
هقطعها عشان مش عجباني
مفهوم الحب دا عندك إيه؟
ازاي بتحبي وتعباني؟!!
لا في يوم حسيت وياكي بعطف
ولا قلب حنين هناني
طول عمرك عايشه معايا بالند
وقلبك قاسي وأناني
واديتلك فرصة واتنين وبعِد
اعملك بس انا إيه تاني؟
لو كان جواكي الحب زمان
مكانتش هتبقى دي أخلاقي
ومكونتش ههرب من قربك
ولا كنت بعدت بأشواقي
حسيتي دلوقتي اني حبيبك؟
وانتي طول العمر معنداني
لو كان الحب دا بالكلمة
ومكانتش أفعالك ظلماني
كان ممكن من تاني نكمل
وأديكي أمان على أيامي
