هتحداكي يا دنيا
مهما جيتي عليا
مش هسمحلك
من تاني تبكي عنيا
هرمي الحزن ورايا
واثبت كل خطايا
هغير ضعفي لقوة
وامشى بخطوات
ثابتة وعنيدة
من غير اي قيود
بامل من غير حدود
هواجه خوف السنين
واكسر جدران الانين
هودع الماضي بهمه
وازرع فرح مكانه
يقلب الضلمة لنور
واحول صحاريا
بستان يضم الزهور
فيه ورد ابيض صافي
يدل علي النقاء والوفاء
كمان تلاقي الياسمين
عطره يداوي قلب حزين
يا سلام بقي علي البنفسج
شجن وريحة بتبهج
ومننساش طبعا الفل
رمز المحبة للكل
بيزرع في القلوب دفا
كل زهرة تحكي حكاية
البنفسج يهمس بالحنان
الياسمين يداوي الجراح
والفل يفتح باب الافراح
بقلم
حنان حلمي
