زمن الفلوس
دوس يازمن عليه دوس
كنت نايم كنت بحلم
كنت فى كابوس
كل الناس اتخلوا عنى
لماراحتة منى الفلوس
كنت بمشى فى الشوارع
والناس تقابلنى بضحكه
تجرى وتسلم عليا
وفى الايدين كمان تبوس
لماضاعت منى الفلوس
اتغيرت كل النفوس
اول ماباعنى باعنى صاحبى
كنت فاكره بجدصاحبى
يعنى صاحبى بكام جنيه
قولت اعاتبه طب وليه
هو عتابه هيفيد بايه
دوس يا زمن عليه دوس
بالفلوس الكل شايلك
من عالارض بجد شيل
كله هيضحك فى وشك
حتى لو كان دمك تقيل
كله هيجملك يغشك
من وراك لا مش فى وشك
اصلك انت معاك فلوس
واللي يقولك يا بيه
واللى بيقول يا باشا
واللى بيمسح الازاز
واللى بيقدم لك بوغاشا
واللى هيسلم عليك
واللى يتصور معاك
والكل ماشى يهتف
باعلى صوته وراك
هو دااللى معاه فلوس
هو دااللى معاه فلوس
الكل يتمسح يبوس
كنت فاكر علشان جمالى
لما دار بيا الزمان
واتكسرت واتغير حالى
راحت كل الاقنعه
من على الوشوش
يانهار ابيض يانهار ابيض
والكل كلمنى ببجاحه
شوفت فى عيونهم وقاحه
ومكر اكتر من الصراحه
اللى يتمسخر ويقول وقعت
واللى بعيونه بيقولى ضعت
ايوه وبعت كل حاجه بعت
بس اجمل حاجه انى لربى رجعت
عنده ما تتغير نفوس
اصل ده زمن الفلوس
بقلم الشاعر
محمود فرج
