وبقولها بكل نرجسية
م اليوم أنا بقيت أنانية
م الدنيا دي هاخد حقي
وهلم حقوقي وما ليا
،،،،،،،،،،،،،،،،،،
يا ما خدتو كتير مش شوية
ياما بعتو وياما دوستو عليا
وده كله علشان طيبة قلبي
مش راح أوريكو إلا أسية
،،،،،،،،،،،،،،،،،
ولو فكرتوا تيجو عليا
وتقسوا وتجرَّحوا فيا
ها وَرِّيكم قسوة قلبي
يلي مهونتوش ياما عليا
،،،،،،،،،،،،،،،
منكم أنا خدت الأنانية
قصاد حاجات غالية عليا
خدتوها مني. سرقتوها
وانا كنت بعمل مرضية
،،،،،،،،،،،،
مش عارفة أرجع حاجة ليا
قلت أشتكي. للأنانية
قالتلي طيبتك مش نافعة
خديني معاكي وأنا جاية
،،،،،،،،،،،
قلتلها حقي تجيبي ليا؟
قالتلي طبعا يا عنيا
أومال بإيه هما باعوكي؟!
كانوا ناس غبية وأنانية
،،،،،،،،،
من يومها بقا عهد عليا
هعيش أنا والأنانية
اتنين مفيش تالت بيننا
ولا حد تاني ييجي عليا
