عمري كله عشته ليك
كلي شوق وحنين إليك
كنت بالنسبه لي حلم
صوره حلوه في الخيال
شافها قلبي..وفيها هام
في الجمال اللي ف عنيك
قلبي عدَّى بحور وتاه
واهتدى بنورك إليك
قلبي حبك من زمان
حب فوق الوصف..كان
حَسّ ويَّاك بالأمان
حب عاشق
قد حب العاشقين
حب غالي
بعت فيه عمري وشاريك
مانت بالدنيادي عندي
في الهوى مالك شريك
ياما قالو الحب حيره
قالو هجر ونار وغيره
كنت بسمع .. أيوه واضحك
مفتكرتش ييجي يوم
أبكي منه..وابكي منك
وابكي على نفسي وعليك
عشت حبي
وصنت عهدي للنهايه
والحكايه في الغرام
هيَّه الحكايه
حلم أكبر م الأماني
عمر راح ويَّاه شبابي
عمره م بيرجعش تاني
بس أقولك إيه يا قلبي
لو يعود الود بيني..
وبين حبيبي..
هحبه تاني....!
