يااللي كنت ليا نور وأمل قفلت ليه بيبانك
بعد ما زرعت فرحي بمزاعم وجودك
فين عهودك ووعودك فين أمانك
فين المحبة والحنان اللي في عيونك
فين الوفا اللي قولت هايعم زمانك
كل ده كان كلام ؟! والغدر أصل طباعك ؟!
م أنا عشت عمرى كله في ضلام
إيه لازمة النور اللي يمحى من القلب السلام
إيه لازمة الأمل إن كان الأمل أصله ضلال
عمر الود ياعزيزي ما كان يوم إحتلال
يسرق النور من عنينا ونعيش زمانا في نزال
الود يوصلنا لبر الأمان ويوصلنا للإكتمال
أقفل يالا وأوصد بيبانك
وإبني جدار العزلة وعلي جدارك
إيه لازمة العيشة من غير إهتمامك
من غير حنينك ولينك من غير سلامك
بقلم الشاعر
مصطفى محمد حفني
