ربنا يجعلة عامر
على سبيل الهزار لاتفتكروة بجد
وهوكله شغل ستات غاوية النكد
الست حرمنا المصون قال بتقول
قوم ياشمشون إديني المعلوم
قال عشمانة تجيب زيت ودقيق
من البقال جارنا الحج ابو كريم
قايمة من الفجرية عاملة هوليله
زي ماتكون نويا تفتح لى تحقيق
في طالبها مني عمالة تقول وتعيد
فوجع رأسي مابطلشت من الصبح
عويل وصراخ وصوت عالي تجيد
تقولش جاموسة و غاوية نهيق
و أرد عليها ياست براحة شوية
الرحمة حلوة بردة وبلاها زعيق
تقوم منفعله أكتر بصوتها المزعج
تصرخ عمله صداع تقولش حريق
أقولها ياستي أبلعي شوية الريق
أهدي حبه على نفسك مايصحش
صحيتي جيرانا من تحت لفوق
ياوليه اتهدي هو أنا ملحقش أفوق
من طلباتك اللي مابتخلص نفسي
ارتاح عليتي الضغط والسكر فلق
الروح شقها نصين طير نفوخي
وكل ده بيحصلي وبردة أنا خايف
عليكي لايحصلك حاجة وحشة
بعدها ياحبيبة قلب جوزك من جوة
باإيه ساعتها الندم ياروحي يفيد
لما تروحي مني في غمضة عين
وياريتك بيه حاسة إن ماشي زق
وبقولهالك أرحميني وخلي قلبك
رحيم من ناحيتي وعليه يرق
خليه معاية ياقلبي يكون رقيق
زي ماكان معاية زمان وربنا
مايرميكي لحظة ياستنا فضيق
أنا نفسي أسألك سؤال وتجوبيني
هو أنا بالنسبالك إيه آله حديد
مش جوزك اللي في شدة رفيق
كل شويه عمال على بطال زعيق
تعبت خلاص من حياتي كلها ولا
أنت مش شيفاني تعبان من الضيق
هات لحمة وسمك وكمان خضار
ومتنساش تجيب ملفوف وسجق
ياوليه حرام عليكي فطلباتك خفي
بلاش كل شوية تعزيني بحالي
وعلى رأسي من فوق تدوقي
دانتي المفروض أول واحدة
تقفي بجانبي وتكوني سندني
ومن طلباتك الكتير تقللي وتخفي
دا رمضان شهر نور ورحمه صيام
مش للأكل وللمعدة تحشي دمار
بقلم الشاعر
عبد المنعم مرعي
