سألتها
سألتها إمتي هفرح وفرحى يدوم قالت لما القيامه........ تقوم
إمتى تروح منى الهموم قالت دى مايعلمها غير الحى...القيوم
إمتى تحنى ميكونشى ف سكتى جنى قالت هتعيش محروم
ليه يادنيتى بتقولهالى وش قالت معلش أنت بالقدر.. محكوم
سألتها.
الحزن على وشك مرسوم.ده القدر ودى القسمه.و... المقسوم
عايزه أقولك شوفت مكتوبك لقيت عذابك قدرعليك محتوم
وده سبب إنك تايه ف الدروب واللى حاصلك مش..... مفهوم
أنت طيب ومن ربك قريب وكأنك مَلك من الذنوب. معصوم
سألتها.
سألتها تانى ليه الأمانى مابتتحققش قالت عذابك... محسوم
ليه جرحى بيزيد ونزفه شديد وعايش تَعبان وديما....مأزوم
ليه حلمى سراب وحياتى ضباب والكل عليا فى........ هجوم
لافى يوم أذيت حد ولانزلت دموع ع الخد ولا كنت مذموم
سألتها.
طب إدينى من الهم أجازة يوم فيه أتنفس أنا بقيت المرحوم
عايش ومش عايش مركون فى الهامش ودنيتى كلها....غيوم
مش يائس حاسس يوم ربى هيفرحنى الحزن هيكون معدوم
يارب أنت السند والمدد نجينى من أى ظالم وانا.......المظلوم.
كلمات
بقلم الشاعر
عـــادل داود
